رحلة طابور العيش - من تأليفي برضو

وكالعادة يستقبل اليوم بعد ليل طويل صباح اطول منه
وكالعادة اشرقت الشمس وفاتني الفجر .. كم الساعة ؟ السابعة
"يلا يا ابني روح شوف كده طابور العيييش" .. لم اسمع امي لسبب اني تعبان
من طابور العيش بتاع امبارح
ورغم شدة النعاس الا اني كنت افكر بسرعة عن طريقة للتخلص بها من هذه المهمة الوطنية
فكره .. "اروح ادخل الحمام وابلط فيها اربع خمس ساعات يكون العيش خلص"
فهرعت الي الحمام واقفلته بالترابيس والسلاسل ... والمفتاح ونمت علي الكرسي الابيض

وفي النهاية ههههه انا الان في الطابور
لا داعي لسرد ما حصل في الحمام .. ولن احكي لكم ان الصرصور كان تحت قدمي يرفس
ويستنجد ذلك الفأر الاسود

المهم ذهبنا الي الطابور ويا له من طابور .. كلمة طابور مشتقة من كلمة طابور منظم
لكن هذا لا منظم ولا طابور .. احسن شئ ان اضع يدي علي رأسي واليد الاخري في ظهري
وادخل بينهم .. ااااه ااااه معلش يا جماعة انا مريض ومحتاج شوية عيش
فيأخذ بعضهم الشهامة مكان مصلحتهم ويحنو علي احد الرجال "ويديني شويه" هههههههههه
ولكني لا اجيد التمثيل الكاذب .. سأقف في اخر الطابور تحت اشعة الشمس ولا فائدة نفس المشهد يتكرر
وكالعادة اسمع النساء تتشاجر والرجال يتشاجرون والاطفال يتشاجرون وشياطيني من حولي يلعبون

وبعدييييين يطلع واحد عجووووز من اخر الطابور يقول المقولة المشهورة بين مفكرين وعلماء العرب
.. يا جماعة كل اللي بنعمله ده عشان احنا مسلمين .. مفيش نظام مفيش ود وتعاون بيننا
كل ده سببه انه احنا مسلمين

"الله الله ايه الفم اللي ينزل عسل ده" .. بينما احترق تحت الشمس احترق من الداخل .. الراجل ده

ببغاء ؟؟
هذه الكلمة سمعتها من مئة فم .. ولكن هذا الرجل بالذات نزلت منه كالماء المغلي علي جسدي
منك لله يا شيخ .. يعني عشان احنا مسلمين ولا عشان احنا مش بنطبق الاسلام .. ربنا ياخدك
وفي ظل الشجار .. "العيش خلص .. يا ويلتي الناس هتفرقع قنبلة نووية "
رجعت الي البيت وانا فارغ اليدين فارغ الجيوب فارغ العين .. فارغ الرأس
مضروووووب .. من .. اشعة الشمس ومن الكلام اللي يغيظ ومن الازعاج ومن اخر شجار بعد ما خلص

العيش

وطبعاً رميت جسدي علي السرير لانتظر الطابور القادم في اليوم التالي
"يلا يا ابني روح هات عيش"
يوووووووووووووووه